James Balowski, Jakarta.Kureueng nibak dua go minggu lheueh DPR dipeutubiet undang undang Acheh - nyang meunurot peumeurintah akan bri otonomi nyang leubeh untok wilayah bagian baroh that Indonesia - bak tanggai 20 Juni, gubernur ka dipeutubiet penyata untok "peuhareuem" 16 boh organisasi Acheh.
1. Peuë tudjuan peudong Komité njoë?
Tudjuan tapeudong Komité Peukeumah Atjèh Meurdéhka Dèmokratik nakeuh, antara laén, untôk peuthèë bak bansa Atjèh dan dan bandum bansa dalam dônja bahwa peurdjuangan keumeurdéhkaan Atjèh mantong meusambông, bahthat pih sibagian rajek elit politék Atjèh teungoh gabuëk that djinoë deungon peukateuën njang teuka dari Helsinki; peu-ingat dan pugoë keulai sibagian bansa Atjèh njang djinoë teungoh lajôh bak geupunjum-punjum boh simalakama dari Helsinki; dan ôsaha peusapat keulai bansa teuh njang mantong meuseutia keu wasiët éndatu, meuseutia keu Proklamasi 1976, dan meuseutia keu sumpah Angkatan Atjèh Meurdéhka untôk peudong dèëlat bansa - meurdéhka ateuëh tanoh ië droëteuh.
Dalam hai njoë Komité akan geususôn rantjana peurdjuangan, tjara-tjara tapuga buët keulai, ta peudjuang su rakjat njang seulama njoë hana soë peureumeun, tapeugot saboh peumerintah dan madjeulih njang kawai buët peumeurintah, ta peudjak dèmokrasi dan hai-hai laén njang peureulèë bak tateumeung meukeusud geutanjoë.
